We are the greatest!

Прыслала ж Яху паведамленьне пра тое, што я так даўно чакаў: канчатковае закрыцьцё хостынгу фотак. Прапануюць мне альбо добраахвотна-прымусова перанесьці ўсё на флікер (папса!!!), на якім я не зьбіраюся быць, калі ёсьць іншыя (і лепшыя), альбо захаваць хутчэй іх сабе на вінт. Хех, усе?! Нават ня хочацца глядзець, што там у мяне ляжыць - так ужо даўно гэта было…

А яшчэ скарыстаўся… Не, пачнем спачатку, як я да такога дайшоў.   Быў у "Аўтастрадзе 60" такі шарык, які даваў адказы на ўсе пытаньні. Каторыя падразумяваюць адказы на "так" ці "не", канечне. Дык ёсьць такія сама лялькі - уназукін. Ня ведаю, чаму я пра іх сёньня вырашыў узгадаць. Магчыма, таму, што аблазіў увесь Дом Міколкавых Doom’ак да самага пачатку.

Паколькі ў Міколкі нешта відавочна не працуе фідбэк, дык высьветліў, што іх можна замовіць у іншым месцы, прычым, відаць, нават не ўсьляпую - якая патрапіцца, а выбраць можна. Хаця можа, каб элемэнт выпадковасьці ўнесьці - было б цікавей. А выбар гэтых лялек даволі вялікі.

А яшчэ - не памятаю, як звалі пэрсанажу фільму, які хацеў на ўсё ведаць адказы, а вось жа і ў сэціве такі чалавек ёсьць, і зваць яго Алан Лубін.

Alan Lubin is letting a japanese toy decide his life.
Click above to watch his life implode in real time.

Ну, як вышэй напісана, гэты чалавек пры прыняцьці рашэньняў спадзяецца на падказку ад свайго Ўназукін. Я нават не паленаваўся і - тут я вяртаюся да таго, з чаго хацеў пачаць - і скарыстаўся яшчэ адным (якім ужо па ліку!) сэрвісам ад Гуглю - анляйнавым перакладчыкам. 

Я получаю на отлично с AG на данный момент, и поэтому мой выбор ограничиваются далее:) что-то я хочу сделать - чтобы не нарушить AG. или б) что-то я не хочу делать, чтобы не нарушить AG. И несмотря на некоторые наличных игорных мошенников я еще из кармана для омаров и день поездки, так что не стоимость земли будет бонус.

Мдзя… І пайшоў я чытаць арыгінал, адным словам.  Першы сэрвіс ад Гуглю, які мне не спадабаўся і не павінен спадабацца да тае пары, пакуль я не забудуся ангельскую мову зусім.

Ну і яшчэ колькі спасылак цікавых. Яшчэ адзін блёг (на рухавіку ЎордПрэс) і тое, што я даўно хацеў дзе-небудзь пачытаць.

Стаміліся падазраваць свой антывірус у некампэтэнтнасьці? Анляйн-праверка адразу дваццацьцю антывірусамі!

…адкрыў для сябе яшчэ адзін сэрвіс імяніньніка: rss-чытальнік. То ня стаў ужо замарочвацца з выбарам праграмы для ўсталяваньня дома - буду пераносіць пакрысе ўсе спасылкі ў анляйн-рыдар.  У ім жа таксама можна rss-стужкі па тэчках растусоўваць, бы ў feedreader‘ы было.

А яшчэ - на пэрспэктыву - калі зьявіцца магчымасьць нарэшце дадаваць якія заўгодна плягіны ў свой блёг, трэба будзе пазнаёміцца і пасябраваць з feedburner‘ам. Каб людзям зручней было не прапусьціць у мяне пасты й камэнты. 

P.S. Дарэчы, высьвятляецца, гэты сэрвіс (каторы www.feedburner.com) зь нядаўнае пары таксама прыналежыць Гуглю…

via Гіззэр

via Гіззэр

via Гіззэр

via Гіззэр

15 верасьня 1997 году 24-гадовыя студэнты Стэнфардзкага ўнівэрсытэту Ляры Пэйдж і Сяргей Брын зарэгістравалі дамэннае імя google.com. Назоў паходзіць ад найвялікшага ліку ў матэматыцы, роўнага 10¹⁰⁰ у дзесятычнай сыстэме вымярэньня, a сам тэрмін "гугал" для абазначэньня гэтага ліку быў прыдуманы ў 1920 годзе і спапуляразывыны амэрыканскім матэматыкам Эдвардам Каснэрам.

Аднак афіцыйна днём заснаваньня Гуглю лічыцца 7 верасьня 1998 году, калі была зарэгістраваная кампанія з аднайменнай назвай. І панеслася…  Хто цяпер ня ведае іхны пашуковік і бясплатны паштовы сэрвіс; акрамя гэтага, маецца пакет офісных праграмаў, які стварае неблагую альтэрнатыву "дробна-мяккаму офісу"; фотахостынг і каталёгізатар малюнкаў; анляйнавыя спадарожнікавыя мапы і каляндар, відэахостынг і інш. Але ня ўсіх задавальняе падобны стан рэчаў.

Нягледзячы на дэвіз кампаніі "Не рабі зла", вядома, што Гугль супрацоўнічае з кітайскім урадам дзеля "фільтраваньня" вынікаў пошуку. Выпадкі самацэнзуры прысутнічаюць таксама ў французкім і нямецкім падразьдзелах кампаніі.  Шматлікія мэдыягрупы нездаволеныя парушэньнем, на іхнюю думку, аўтарскім правом сэрвісам YouTube; спроба кампаніі перавесьці ў лічбавы фармат мільёны кніг таксама сутыкнулася са сьцяной неразуменьня іхніх аўтараў альбо праваўладальнікаў інтэлектуальнае ўласнасьці; ня ўсім падабаецца, калі месцазнаходжаньне пэўных аб’ектаў можна ўбачыць на спадарожнікавай мапе; да таго ж, праваабаронцы лічаць, што Гугль нелегальна зьбірае інфармацыю пра карыстальнікаў сваіх сэрвісаў з дапамогай cookies.

Самае цікавае, што частку матэрыялаў для крытыкі я ўзяў на самім сэрвісе гугль-навіны ну і, натуральна, як заўжды, чытайце Вікіпэдыю.