Cёньня ў сьвеце
Найпершая навіна і па канале, і на аф-бачыне БіБіСы - перамога Блёку Юліі Цімашэнкі на парляманцкіх выбарах ва Ўкраіне.
Папярэднія зьвесткі паводле Цэнтральнае выбарчае камісыі пасьля апрацоўкі 66,16% пратаколаў:
"Блок Юлії Тимошенко" – 32,76%
Партія регіонів – 31,44%
Блок "НАША УКРАЇНА – НАРОДНА САМООБОРОНА" – 15,42%
Комуністична партія України – 5,11%
"Блок Литвина" – 4,12%
Соціалістична партія України – 2,99%
Гэта ўжо трэці ўсенародны плебісцыт за апошнія тры гады пасьля таго, як Віктар Юшчанка ўвесну абвясьціў пра роспуск Рады. Цяпер дзеля таго, каб Украіна не адышла ад ідэалаў "памаранчавае рэвалюцыі", БЮТ мусіць скласьці ў парляманце кааліцыю з "Нашай Украінай", блёкам сп.Юшчанкі. Гэта дасьць магчымасьць правым сфармаваць урад, а згодна з ранейшымі дамоўленасьцямі, прэм’ер-міністрам Украіны стане жанчына. 
Да выбараў ва Ўкраіне эўрапэйскія краіны праявілі надзвычайную зацікаўленасьць. Ані незалежныя назіральнікі, ані ЦВК Украіны ня выявілі значных парушэньняў працэдуры галасаваньня. Але - кожнае правіла не без выняткаў (дзякуй за спасылку, 
Пацучыны кароль).
Між тым, пакуль што ў працэсе падвядзеньня далейшых вынікаў назіраецца тэндэнцыя да нязначнага зьмяншэньня адсотку галасоў за БЮТ і такога самага нязначнага павэлічэньня адсотку за ПР; а пераважна ва ўсходніх рэгіёнах падлік галасоў чамусьці затрымліваецца… Варта нагадаць, што партыя сп.Януковіча таксама мае скласьці ў Вярхоўнай Радзе кааліцыю з партыямі, якія перадолелі трохадсоткавы бар’ер. "Такая істотная падтрымка ад украінскага народу… дае Партыі Рэгіёнаў карт-бляеш на фармаваньне новага, пасьпяховага ўраду," - заявіў В.Януковіч. Ягоны электарат зьбіраецца зьдзейсьніць так званы "марш перамогі" на Кыеў.
