Новая замарочка
А я вось з учарашняга дню падсеў на тое, што даўно ўжо шукаў. Праўда, знайшоў не ў якасьці лякальнае гульні для свайго кампутару, а нешта кшталту mmorpg. Кампутар неяк можна было падмануць - перайграць гульню, дабіваючыся прывабнага для сябе выніку, а тут такога ўжо не атрымаецца…
А, дык пра што гэта я? Анляйнавы футбольны мэнэджар! 
Нямераная колькасьць дзейных чэмпіянатаў (у якіх такім зас…ланцам, як я, няма чаго пакуль што рабіць), але пакуль што для мяне сьвецяць толькі таварыскія гульні. Выклікаць на бойку які-небудзь "Мілян" з-пад Сэвастопалю 
нескладана, а вось выйграць… Бо толькі ў гэтым выпадку гульцы павышаюць свае навыкі. Дарэчы, гульцоў можна прыняць "як ёсьць", то бок, як прапануе сэрвіс, а можна… прысвоіць ім уласныя імёны! Такім чынам у маёй камандзе гуляе брат, цэлая пляяда снукарыстаў і парачка прадстаўнікоў топ-тэнісу (мужчынскага). 
Але я, высьвятляецца, яшчэ ня надта губу раскатаў у параўнаньні зь іншымі мэнэджарамі…
Ня ведаю, наколькі даўно існуе сэрвіс, але пастаянна абяцаюць дадаваць новыя мажлівасьці (трэніроўкі гульцоў і г.д.). Гэхх, мне хаця б сьпярша з усім гэтым разабрацца: распараджацца ўмела грашыма (па жыцьці прыдасца 
); раўнамернае разьмеркаваньне нагрузкі між гульцамі з той мэтай, каб яны не праседжвалі лаву; здольнасьць апэратыўна мяняць тактыку і стратэгію каманды ў залежнасьці ад бягучага выніку матчу; зацікаўленьне гледачоў і як першы крок - пабудова стадыёну… Хочаш-ня хочаш, лідарам станеш.
P.S. Акрамя таго, там ёсьць такая фіча, як чат, якая адымае шмат часу… і трафіку. Але ў ім можна пазнаёміцца з цікавымі чалавечкамі, пачапляцца да іх з дурацкімі ньюбаўскімі пытаньнямі (гэххх, дзе мой Байцоўскі клюб…) - і сёньня я ўжо пазмагаўся такім чынам з цікавым чалавечкам, каторы і сам пракачаўся, і мне даў мажлівасьць яго дагнаць. Ну, у сэрыі да 5-і перамог я яму саступіў, натуральна (усё ж ягоная каманда клясай вышэй), але ж зь лікам 4-5. Мне ўжо пачынае падабацца мая каманда.
А название у команды уже есть?
Чтобы знать, за кого болеть.
Comment by BelAngel — October 17, 2007 @ 9:40:36
Ага, і нават лягатып ёсьць. Глядзіце ўважлівей.
Comment by Renessaince — October 17, 2007 @ 11:58:00
Снукарысты что ль?!
Аль Чапурушачка? 
Comment by BelAngel — October 17, 2007 @ 12:39:25
Дарэчы, спасылку на мой клюб можна зьмясьціць на якой-небудзь бачыне, каб мне за пераход на яе капалі грошыкі.
Comment by Renessaince — October 17, 2007 @ 14:28:11
Если бы дали точную ссылку и назву команды, то можно было бы и “зьмясьціць ”
Comment by BelAngel — October 17, 2007 @ 14:50:43