Паразважаць можна
- Трэба ў цырку бываць часьцей.
- Зямля пад бамбёжкай.
- Або пан, або пані.
- Малая і дурная яшчэ кніжка.
- Тысяча пяцьсот дваццаць дзевяць, тысяча пяцьсот шэсцьдзесят шэсьць — няма дзе прылегчы, і нават прысесьць.
- Ворагам прыйдзе трындзец.
- Агульная млявасьць і гэта не валчанка.
- Узяўся за яйца і пачасаў.
- Закапаць кроплі вам у вочы.
- Ты не чакай, кіна ня будзе, кіншчык сьпіўся.
- Разумнаму гадасьць - дурню радасьць.
- А можа вас яшчэ і марозівам пачаставаць?
- Паміж Польшчай і Расеяй ня ходзіць мэтро.
- Не пакідайце ж недапалкі міма сьметніц.
- Грантасос-паравоз.
- Сын за бацьку, бацька за рэпку, цягнуць-пацягнуць, і не выцягнуць.
- Каго любіш? Таго і чубіш!
- Не разьбіць, не спыніць нашых вялікіх баявых чалавекападобных робатаў.
- Мёртвым можна без чаргі.
- Мой родны вечна галодны.
- Не хачу разуць, бо вы шкарпэткі даўно не пралі.
- Абое на габое.
- Саша і прастакваша.
- Зьявілася вада гарачая ў душы.
- Намацаць у майтках сонца.
- Пане ня ў стане.
- Ідзіце ў дупу, калі ласка.
- Асьцярожна, яны кусаюцца.
- Ні Богу сьвечка, ні ў войска не возьмуць.
- Дзьве дзюркі ў носе і тыя з казяўкамі.
Арыгінал:
- Трэба дома бываць часьцей - верш Барадуліна
- Зямля пад белымі крыламі - кніга Караткевіча
- Або пан, або прапаў - прыказка
- Малая падарожная кніжка - Біблія, выдадзеная Скарынам
- 1529, 1566, 1588 - гады выданьня Статуту ВКЛ
- Ворагам Беларушчыны - верш Янкі Купалы
- Агульная млявасьць і абыякавасьць да жыцьця - устойлівы выраз
- Толькі ўзяўся за яйца, дык малако (масла, сьмятана) прапала - адна з пэрлінаў лукі
- Хрэн вам у вочы - прымаўка з п’есы "Пінская шляхта"
- Ты не чакай, сюрпрызаў ня будзе - з песьні Лявона Вольскага "Тры чарапахі"
- Цацанкі-абяцанкі - дурню радасьць - прыказка
- А, можа, вас яшчэ і пучыць? - рэкляма Альмагель-нэа на трасянцы
- Паміж Польшчай і Расеяй полька беларуская - песьня на верш Дранько-Майсюка
- Не пакідайце ж мовы беларускай, каб ня ўмёрлі - афарызм Багушэвіча з прадмовы да "Дудкі беларускай"
- Міколка-паравоз - аповесьць Лынькова
- Сын за бацьку не адказвае - канцэптуальныя словы Сталіна, якія гучаць у шмат якіх творах кшталту "Вязьмо" Зарэцкага або "Аблава" Быкава
- Каго любіш? - Люблю Беларусь! - Дык узаемна. Пароль паўстанцаў 1863 года
- Не разьбіць, не спыніць, не стрымаць - цытата з "Пагоні" Багдановіча
- Мёртвым не баліць - аповесьць Быкава
- Мой родны кут, як ты мне мілы - цытата з "Новай зямлі" Якуба Коласа
- Не хачу разуць рабыніча - словы Рагнеды, якая не хацела замуж за сына рабыні Уладзіміра, Яраполка ёй падавай!
- Абое рабое - прымаўка
- Саша і Сірожа - дуэт, сьпяваюць Калыханку на трасянцы
- Дзьве душы - аповесьць Гарэцкага
- Намацаць галінамі сонца - канцэпт-цытата з трылогіі "На ростанях" Якуба Коласа
- Пане Каханку - каларытны пэрсанаж беларускай гісторыі, з Радзівілаў
- Выбачайце, калі ласка - п’еса Макаёнка
- Асьцярожна, дзьверы зачыняюцца - фраза зь менскага мэтро
- Ні Богу сьвечка, ні чорту качарга - прыказка, якая фігуруе ў п’есе Купалы "Тутэйшыя"
- Дзьве дзюркі ў носе - і сканчылося - фінал п’есы "Паўлінка" Янкі Купалы
