Зорачкі
Зоркі
Зоркі нашыя ў небе бяз нас
Пазнаёміліся выпадкова.
Мы якраз на зямлі ў гэты час
Прашапталі спрадвечныя словы.
Зоркі нашыя ў небе бяз нас
Шчырасьцю незямной пакляліся
Мы якраз на зямлі ў гэты час
Зазірнулі ў прадонныя высі.
Зоркі нашыя ў небе бяз нас
Весьці нас па зямлі захацелі.
Мы якраз на зямлі ў гэты час
Думалі аб патайным вясельлі.
Зоркі нашыя, толькі б ня згас
Позірк ваш і ў начы, і ў блакіце!
I апошнюю сьцежку для нас
Велікодным сьвятлом асьвяціце.
————————————————
© Рыгор Барадулін
Дайшоў да мяне дзякуючы Зьмітру Вайцюшкевічу
гэта пра нас?!
Comment by BelAngel — May 15, 2009 @ 10:04:08
Прынамсі бачна, што чалавек прачытаў.
Comment by Renessaince — May 16, 2009 @ 7:01:49