We are the greatest!

200 адасланых паштовак на посткросынгу. Да яго (юбілею) я прышоў 12-м па колькасьці і 8-м па сумарнай адлегласьці.

Скончаныя тры «цяганьні катоў за хвост».

1. Усю ўступную кампанію мяне суправаджала маскальшчына, як я ні спрабаваў ад яе адбіцца. Прыемна было бачыць на стэндах сваё беларускае прозьвішча між шэрага натоўпу… А прыйшоў час атрымоўваць сэртыфікаты - і шок. Па-беларуску толькі прозьвішча мне і засталося… Можна было б зьвязацца з гэтым ідыёцкім «інсьцітутам кантроля знаній», можна было б наехаць, патрабаваць перарабіць… Не заставалася часу, не было жаданьня, не ставала ўпартасьці… Маўчым, гледзячы як акупанты гаспадараць. Самі яны не заварушацца…
2. Самыя вялікія чэргі - у нашай паліклініцы… Самыя даўгія чэргі з усіх кабінэтаў - у той, у які стаіш ты… Добра хоць, што пасьпеў у час. Амаль месяц на няшчасную даведку… Неўзабаве трэба ізноў гэта ўсё паўтараць…
3. Найхутчэй праляцеў збор-падача дакумантаў на зямельны надзел. Настолькі хутка, што нават ачомацца не пасьпеў, як усё скончылася. Гэта таму што Танька ўсё ў свае лапкі ўзяла… Але вось мая заява ў перакладзе, і да таго ж пісьменным, нашмат лепшая, чым прапанаваная выканкамам, так і засталася ў электронным варыянце… Таму што нікому гэта нецікава і ня трэба. Саромеемся чагось, маўчым… Гледзячы, як акупанты гаспадараць…

1-2 жніўня Федэрацыя Прыгодніцкіх Гонак праводзіць «Фэст Тролея 2009»! Для аматараў адрыналіну над Бярэзінай будуць напятыя 4 тролеі, на якіх атрымаюць магчымасьць пракаціцца ўсе зарэгістраваныя ўдзельнікі фэсту.

Рэгістрацыя на фэст пачынаецца на месцы правядзеньня (каля вёскі Малое Стахава, 10 км ад Барысава) з 31 ліпеня. Папярэдняя рэгістрацыя дазваляе атрымаць зьніжкі.

* * *

2 жніўня на Менскім моры адбудзецца 2-гі беларускі экстрым-бег. Экстрым заключаецца ў тым, што… палову дыстанцыі трэба «бегчы» ў вадзе глыбінёй каля 1 м.

Рэгістрацыя на ўдзел да 28 ліпеня па тэлефонах (029) 770 13 32 і (029) 607 90 76 - Сяргей Коваль, гал. суддзя. Розныя ўзроставыя групы.

• А. Шадзько, высьвятляецца, працаваў у «Горкаўскім». Зьехаў у Маскву.
• Чарговы тэст на беларускасьць. Ці анты-беларускасьць? Цьфу ты, антытэст. Вось!
• Новыя 7 цудаў сьвету. У сьпісе 77 прэтэндэнтаў, як вядома, і Белавежа. 21 ліпеня застанецца толькі 28 «шчасьліўчыкаў». Галасаваць пакуль што можна за месца абвяшчэньня вынікаў выбараў гэтых самых цудаў у далёкім 2011 годзе. Праўда, арганізатары не абяцаюць, што тое месца, што пераможа ў глядацкім галасаваньні, станецца пераможцам абсалютным, але ну прынамсі адно зь першых месцаў павінны выбраць.

Добра, няхай выставу, прысьвечаную 1000-годзьдзю першага ўпамінаньня Літвы (не Летувы!) не пусьцілі ў беларускія музэі.

Добра, што выставу кожны жадаючы можа ўбачыць у амбасадзе Летувы (не Літвы!), папярэдне даслаўшы заяўку па факсе +375 17 285 3337 ці па электронцы amb.by@urm.lt.

Але якога х…віга няма на бачыне летувіскай амбасады беларускамоўнае вэрсыі?

Што ж, пасьля такога не зьдзіўляесься, чытаючы, як яны глыбока заблыталіся ў панятках… Адно атаясамленьне тэрмінаў «Русь» і «Расея» чаго вартае.

* * *

• Зварот грамадскага аргкамітэту святкавання 1000-годдзя назвы Літва
• «1000-годзьдзе Літвы – гэта й беларускае сьвята…»

Дык цяпер значна звузіўся выбар марак, прыдатных для перасылкі паштовак не ў капэртах. Абрыдлыя «вывад савецкіх войскаў з Аўганістану» падыходзяць па намінале, але не па духу. Значыцца, будзем капа́ць.

• Оба-на!
• За капейкі.
• Гудвін.
• ШчасьлівыЛот.

Ня ведаю, хто зь іх першы, хто прэтэндуе на першынство, а які самы малады - зьмяшчаў у парадку азнаёмленьня. Цікава, што аўкцыёны №№ 1 і 4 працуюць цілодобово (слова падабаецца, у нас пакуль што такога прыгожага аналягу ня ведаю), а два астатнія (№№ 2 і 3) - толькі ў прыстойны час.

 

На "закапейках" і "шчасьлівымлоце" можна рабіць стаўкі нават па смс. Гэта атрымоўваецца яшчэ даражэй, відаць, чым проста сядзець у інэце ўтаропіўшыся ў манітор.

На "шчасьлівымлоце" можна выйграны тавар абмяняць… правільна, назад на стаўкі. 

Я тут зараз дзялюся сваімі ўражаньнямі "на ляту", выкладаючы тое цікавае, што знайшоў на адным з сайтаў. Таму магчыма, што гэткія самыя магчымасьці ёсьць і на іншых аўкцыёнах, проста я іх не заўважыў.

 

Спадабаўся выраз аднаго з удзельнікаў форуму, на якім складаюць чорны сьпіс лахатронаў у сэціве: "можна толькі зьдзіўляцца прадпрымальніцкім здольнасьцям вытворцаў чыпсаў, што здольныя прадаць адну бульбіну па цане аднаго кіляграму бульбы."

• Чорны сьпіс сайтаў сеткавых круцялёў. І яшчэ адна цытата адтуль, спадабалася: "Калі за права рабіць стаўкі патрэбна плаціць, дык гэта адназначна лахатрон".
• Новыя лахатроны ў сэціве.
• Яшчэ пра прынцып работы скандынаўскіх аўкцыёнаў. Для дужа кемлівых - там дзьве старонкі!

Заўважыў, што зьвяртаюць увагу на нейкую таемную сувязь некалькіх расейскіх сэрвісаў па правядзеньні скандынаўскіх аўкцыёнаў між сабой. Ня ведаю, ці ў нас ёсьць такое. Але заўважыў на трох з чатырох анансаваных вышэй сайтаў удзельніка-пераможцу розных аўкцыёнаў зь нікам barazna. Вось і задумаўся: а ці ёсьць сярод "нашых" удзельнікаў боты альбо падстаўныя асобы?.. Каб ня быць галаслоўным, напрыканцы прывяду тры выйграныя "баразной" лоты.

 

• На "закапейках".
• На "оба-не".
• На "гудвіне".

Гэххх, і навошта яму столькі ўсяго? Хай бы падзяліўся чым-небудзь на справядлівых аўкцыёнах за палову кошту.

P.S. Пра справядлівыя аўкцыёны як-небудзь іншым разам. 

P.P.S. Між усімі чатырма беларускімі сэрвісамі праскоквае дзе-нідзе адно агульнае падабенства: памылкі ў расейскамоўных тэкстах. Ну, зразумела, пра тое "падабенства", што ўсё на мове іншае краіны, я падразумяваю само сабой. Гэххх, прыдуркі…

P.P.P.S. Але затое хоць нейкі вынік: у нас нарэшце зьявіліся электронныя грошы EasyPay.